Rəcəb Tayyib Ərdoğan bəyan edib ki, Donald Tramp Rusiya Prezidenti Vladimir Putin Ukrayna üzrə sülh danışıqları üçün Türkiyəyə gələcəyi təqdirdə, özü də bu məqsədlə Türkiyəyə gəlməyə hazır olduğunu bildirib.
AZƏRTAC xəbər verir ki, bu barədə Türkiyə Prezidenti Haaqada keçirilmiş Şimali Atlantika Alyansının sammitindən qayıdarkən jurnalistlərə açıqlamasında deyib.
“Əsas məqsədimiz ölkəmizdə liderlər səviyyəsində görüş keçirmək və çoxdan gözlənilən sülhə nail olmaqdır. Mən bu barədə ABŞ Prezidentinə Haaqadakı görüşümüz zamanı məlumat verdim. Tramp bildirdi ki, Rusiya Prezidenti Vladimir Putin İstanbul və ya Ankaraya nizamlanma üçün gələrsə, o da gələcək. Zəruri təmasları həyata keçirəcəyik və ümid edirəm ki, ən qısa zamanda görüşə biləcəyik”, – deyə “Anadolu” agentliyi Prezident Ərdoğanın sözlərindən sitat gətirib.
