Yəmənin “Ənsar Allah” hərəkatından olan husi üsyançıları, İsrail Qəzzada atəşkəsi pozacağı təqdirdə İsrail ərazisinə və gəmilərə hücumları bərpa edəcək.
APA xəbər verir ki, bunu “Ənsar Allah”ın lideri Əbdülməlik əl-Husi tərəfdarlarına müraciətində deyib.
"Biz sazişin icrasının mərhələlərini izləyəcəyik. İsrail tərəfindən hər hansı pozuntu, qırğınların davam etdirilməsi və ya mühasirənin bərpası halında, Fələstin xalqına dərhal hərbi dəstək verməyə hazır olacağıq", - hərəkat lideri husilərə məxsus “Al Masirah” telekanalı tərəfindən yayımlanan bəyanatda deyib.
