Stankov və Yorgensen Azərbaycandan Avropaya “yaşıl dəhliz” layihəsini müzakirə ediblər
Yusif Nəzərli
14:35 18.02.2025
Dünya
435
Bolqarıstanın energetika naziri Jeço Stankov və Avropa İttifaqının (Aİ) enerji məsələləri üzrə komissarı Dan Yorgensen Azərbaycandan Gürcüstan və Rumıniya vasitəsilə Avropaya “yaşıl enerji” təchizatını nəzərdə tutan Qara dəniz enerji kabelinin (Black Sea Energy) çəkilməsi də daxil olmaqla əsas infrastruktur layihələrinin həyata keçirilməsini müzakirə ediblər.
Bu barədə “Report” Bolqarıstanın Energetika Nazirliyinin məlumatına istinadən xəbər verir.
"Brüsseldə keçirilən görüşdə tərəflər elektrik və qaz təchizatı sahəsində qarşılıqlı əlaqələrin gücləndirilməsinin vacibliyini vurğulayıblar. Bu baxımdan Şaquli Qaz Dəhlizinin tikintisinin sürətləndirilməsi, həmçinin Azərbaycan, Gürcüstan, Rumıniya və Macarıstan hökumətləri arasında “yaşıl enerji” sahəsində strateji tərəfdaşlığa əsaslanan "Yaşıl Enerji Dəhlizi" təşəbbüsü müzakirə olunub", - məlumatda bildirilib.
Energetika Nazirliyi bildirir ki, Bolqarıstan “Black Sea Energy” layihəsini lap əvvəldən dəstəkləyib və dörd ölkə arasında imzalanmış sazişə qoşulmaqla bağlı birgə dəvət alıb.
"Layihə regional və milli enerji təhlükəsizliyinin gücləndirilməsində strateji əhəmiyyət kəsb edir və Bolqarıstan burada mühüm rol oynaya bilər. Bununla yanaşı, Bolqarıstan, Türkiyə, Azərbaycan və Gürcüstan arasında “yaşıl elektrik enerjisi”nin ötürülməsi və ticarəti ön planda olmaqla regional enerji əməkdaşlığının gücləndirilməsi imkanları müzakirə olunur", - məlumatda vurğulanıb.
Stankov həmçinin hökumətin enerji sektorundakı əsas prioritetlərini təqdim edib. Bu prioritetlər Nazirlər Kabinetinin idarəetmə proqramında təsbit olunacaq. "Bolqarıstan enerji mənbələrinin şaxələndirilməsi, nüvə enerjisi və yaşıl texnologiyaların inkişafı, həmçinin enerji səmərəliliyinin artırılması üzərində işləyəcək", - o bildirib.
“Black Sea Energy” Xəzər dənizinin Azərbaycan sektorunda istehsal olunan “yaşıl enerji”nin Gürcüstana, daha sonra Qara dənizin dibi ilə çəkilən kabellə Avropaya çatdırılmasını nəzərdə tutur. Bu dəhliz vasitəsilə ildə 4 QVt “yaşıl enerji”nin ixracı planlaşdırılır.
Texniki-iqtisadi əsaslandırmanın (TİƏ) hazırlanması artıq yekun mərhələdədir. Obyektin tikintisi 3-4 il çəkəcək. Avropa Komissiyası layihəyə 2,3 milyard avro ayırmağı planlaşdırır.
Xatırladaq ki, 2022-ci il dekabrın 17-də Buxarestdə Azərbaycan, Gürcüstan, Rumıniya və Macarıstan arasında 1 195 km uzunluğunda “Black Sea Energy” sualtı elektrik kabelinin tikintisi haqqında strateji tərəfdaşlıq sazişi imzalanıb. 2024-cü ilin may ayında Azərbaycan, Rumıniya, Gürcüstan və Macarıstanın enerji operatorları “Black Sea Energy”nin reallaşdırılması çərçivəsində birgə müəssisənin yaradılması barədə memorandum imzalayıb. 2023-cü ilin iyun ayında Bolqarıstan layihəyə qoşulmaq niyyətində olduğunu bildirib. Serbiya və Moldova da layihədə iştiraka maraq göstərib.
Oxşar xəbərlər
Xəbər lenti
Hamısına bax
Yadplanetlilər Yerə enir?
07:51 16.11.2026
Maraqlı
Payızda bu 2 qida mütləq yeyilməlidir
07:17 16.11.2026
Sağlamlıq
ABŞ-ın daha bir aviadaşıyıcısı Yaxın Şərqə gəlir
06:42 16.11.2026
Aktual
Serial eşqi gerçək oldu
03:33 16.11.2026
Şou
Qanınızı qatılaşdıran 2 əsas səbəb
02:56 16.11.2026
Sağlamlıq
Hörmüz boğazında tanker minaya düşüb
01:59 16.11.2026
Son dəqiqə
Saakaşvili milli komandanı dəstəkləməyəcək - Səbəb
01:40 16.11.2026
Aktual
İran XİN: ABŞ-nin Tehranın şərtlərinə cavabı praktik deyil
00:37 16.11.2026
Region
KİV: İranın arsenalında 1500–2500 ballistik raket var
00:16 16.11.2026
Aktual
Çexiyada son 40 ilin ən böyük etirazı...
23:33 15.11.2026
Dünya
Xırdalanda güclü külək 7 avtomobilə ziyan vurub
23:15 15.11.2026
Hadisə
Husilər Ər-Riyadda hava limanını hədəfə aldıqlarını açıqlayıblar
22:56 15.11.2026
Gündəm
SEPAH Fars körfəzində supertankerin batırıldığını açıqlayıb
22:19 15.11.2026
Gündəm
ABŞ-də uçuşların noyabrın 16-da normallaşacağı proqnozlaşdırılır
21:03 15.11.2026
Gündəm
İlham Əliyev televiziya və radio işçilərini təbrik edib
20:08 15.11.2026
Rəsmi