Türkiyədə yeni evlənən cütlüklərə sosial dəstək artırılır. Ölkənin ailə və sosial xidmətlər naziri Mahinur Özdemir Göktaş “Ailə ili” çərçivəsində evlənən cütlüklər üçün yeni dəstək kampaniyasına başlayacaqlarını açıqlayıb.
"Sherg.az" “NTV.com.tr”yə istinadən bildirir ki, hökumət üzvləri ilə keçirilən toplantıdan sonra sualları cavablandıran nazir deyib ki, 16 şirkətlə əldə olunan endirim protokolu ilə yeni ailə quran gənclərə mebel, məişət avadanlığı, ev tekstili, mətbəx əşyaları kimi təməl ehtiyaclarını ödəyəcək xüsusi endirimlər ediləcək: "30 apreldə keçirəcəyimiz toplantıda endirim müqaviləsi bağlayacağımız şirkətlər və tətbiq edəcəkləri endirimlərlə bağlı kampaniya detallarını ictimaiyyətlə paylaşacağıq", deyən nazir doğum yardımı üçün ən çox müraciətin ilk növbədə İstanbuldan, ardınca isə Ankara və Şanlıurfadan alındığını bildirib. Göktaş doğum yardımı üçün ilk ödənişlərin müayinədən sonra may ayında hesablara yatırılacağını da deyib. Aprelin 8-dən bu yana 287 min 517 ailənin doğum dəstəyi üçün müraciət etdiyini açıqlayan Göktaş, "İlk uşaq üçün ən çox müraciəti yüzdə 41 nisbətlə aldıq. Müraciət sayı 116 min 594 oldu" dedi. Göktaş, "İkinci uşaq müraciət nisbəti yüzdə 31, müraciət sayı 88.982. Üçüncü uşaq müraciət nisbəti yüzdə 18, müraciət sayı 51.843. Üçdən çox uşağı olan ailələrimizin müraciət nisbəti yüzdə 10, müraciət sayı isə 30.099 oldu" söyləyib. Birinci körpə üçün 5000 TL, ikinci körpə üçün ayda 1500 TL, üçdən sonra hər uşağa ayda 5000 TL birdəfəlik dəstək verilir.
