Pakistan Baş naziri Şahbaz Şərif Hindistanın iki ölkə arasındakı su məsələsini hərbiləşdirməsi cəhdlərinə reaksiya verib.
Teleqraf xəbər verir ki, o, Pakistanın Hindistanın Hind Suları Müqaviləsini yarımçıq saxlamaqla və dar siyasi qazanclar üçün milyonlarla insanın həyatını təhlükəyə atmaqla qırmızı xətti keçməsinə icazə verməyəcəyi barədə xəbərdarlıq edib.
“Hindistanın Hind hövzəsinin suyunun paylaşılmasını tənzimləyən Hind Suları Müqaviləsini ləğv etmək barədə birtərəfli və qeyri-qanuni qərarı dərin təəssüf doğurur. Milyonlarla insan dar siyasi qazancların əsiri olmamalıdır və Pakistan buna imkan verməyəcək. Biz heç vaxt qırmızı xəttin keçməsinə icazə verməyəcəyik”, - Şahbaz Şərif vurğulayıb.
Xatırladaq ki, aprelin 22-də Kəşmirin Hindistanın işğalı altında olan hissəsində 26 mülki şəxsin Dehlinin terror aktı adlandırdığı hadisədə öldürülməsindən qısa müddət sonra Dehli Hind çayından birgə istifadəni tənzimləyən 1960-cı il Hind Suları Müqaviləsində (IWT) iştirakını dayandırıb. Pakistanın hadisədə iştirakı ilə bağlı Hindistanın ittihamları rəsmi İslamabad tərəfindən rədd edilib.
