Vaşinqton yenidən İrana hücum edərsə, İran ABŞ-a daha sarsıdıcı cavab verəcək.
Axar.az xəbər verir ki, bunu SEPAH-ın komandiri, briqada generalı Məhəmməd Pakpur deyib.
“Şər sionist rejimin sağ qalması üçün Amerika xalqının mənafeyini və təhlükəsizliyini talan edən səfeh Amerika prezidentinə xəbərdarlıq edirik ki, o, İrana qarşı təcavüzünü təkrar edərsə, daha dağıdıcı cavab alacaq, bu da tarixə dərs olacaq”, - o bildirib.
Qeyd edək ki, ABŞ-ın 22 iyunda İranın nüvə obyektlərini bombalamasına cavab olaraq Tehran Amerikanın Yaxın Şərqdəki bazalarına ötən gün bir neçə raket atıb. Raketlərin hədəfə çatdığı haqda heç bir məlumat yoxdur.
