Laçın yolu Ağdam-Xankəndi yolunda hərəkət açılandan 24 saat sonra açılacaq. Bu barədə Azərbaycan Prezidentinin köməkçisi, Prezident Administrasiyasının xarici siyasət şöbəsinin müdiri Hikmət Hacıyev bildirib.
Onun sözlərinə görə, Azərbaycan Ağdam-Xankəndi yolu ilə Qarabağ bölgəsinin təchizatı üçün alternativ marşrut təklif edir.
"Ağdam-Xankəndi yolunda hərəkət açılandan 24 saatdan sonra Laçın yolu açılacaq. Yollar nə qədər çox olsa, hamı üçün bir o qədər yaxşıdır", - Hacıyev BBC-yə müsahibəsində bildirib.
Hikmət Hacıyev qeyd edib ki, Qarabağ ermənilərinə Azərbaycan vətəndaşları ilə eyni dil, mədəni, dini və bələdiyyə hüquqları təklif olunub.
Vaqif Xaçaturyanın 1991-ci ilin dekabrında Xocalı rayonunun kəndlərindən birinə basqın etmək ittihamı ilə Ermənistanla sərhəddə nəzarət-buraxılış məntəqəsini keçərkən saxlanılmasına münasibət bildirən Hacıyev deyib ki, bir çox şahidlər onu media vasitəsilə tanıyıblar.
"Biz heç vaxt deməmişik ki, hərbi cinayətkarlar məsuliyyətə cəlb edilməməlidir", - prezidentin köməkçisi bildirib.
