Azərbaycanın bütün təklifləri və atdığı addımlar ondan ibarətdir ki, humanitar vəziyyət istiqamətində heç bir pisləşmə olmasın.
APA xəbər verir ki, bunu xarici işlər naziri Ceyhun Bayramov Belçikanın xarici işlər naziri Hadca Labibi ilə brifinqi zamanı deyib.
“Azərbaycan Respublikası, yəni bir yol əvəzinə, bir neçə yol təklif edən ölkə, həmin təklifi şəffaf şəkildə beynəlxalq humanitar təşkilat vasitəsilə təmin və təşkil edən dövlət öz funksiyalarını başa düşərək, anlayaraq bu şəraiti yaradır. Ona görə də burada həmin ünvan və müraciətlər düzgün olmalıdır. Özlərini yerli əhalinin nümayəndələri elan edən insanlar destruktiv və məsuliyyətsiz yanaşmalara yol verməməlidirlər, insanları girov saxlamamalı, alternativlərə imkan yaratmalıdırlar. Çünki humanitar məsələlər siyasi manipulyasiyalardan ayrılmalıdır”, - nazir əlavə edib.
