AK Partiya sədr müavini və partiya sözçüsü Ömər Çelik sosial şəbəkədə CHP lideri Özgür Özelə reaksiya verib.
Sherg.az xəbər verir ki, Ömər Çelikin sözlərinə görə, CHP sədri Özgür Özelin gəldiyi nöqtə siyasi müxalifət deyil, bütövlükdə Türkiyə üçün təhlükədir:
"Özgür Özəl CHP-ni bütövlükdə girov götürüb və qurultayda öz sədrliyini qorumaq üçün sosial və iqtisadi həyatı hədəfləyir. Özgür Özəlin səriştəsiz siyasi performansı siyasi tariximizdə ən böyük “siyasi fanatizm” və “ictimai parçalanma” kimi qeydə alınıb.
Özgür Özelin ictimai həyatı parçalamağa çalışmaqdan başqa heç bir müxalifətçilik qabiliyyətinin olmadığı açıq-aydın göründü. CHP-ni elə bir vəziyyətə salıb ki, virtual güc xəyalları bir yana qalsın, hətta müxalifətçilik qabiliyyətindən belə məhrum olub. Onun bütün siyasi diskursu siyasi fanatizmdən, təhdidlərdən, milli şirkətləri hədəfə almaqdan, vətəndaşlarımızı “profilləşdirməkdən” və sosial parçalanmadan ibarətdir.
Özgür Özəlin Türkiyənin qazancına zərər vurmaq üçün həyata keçirdiyi fəaliyyətlər yalnız özünə zərər verəcək. Vətəndaşlarımız bu saxta siyasəti, aqressiv siyasətçiləri boykot edəcək".
