Rusiya prezidentinin mətbuat katibi Dmitri Peskov brifinqdə bildirib ki, Vladimir Putinin rəsmi proqramına ailəsi ilə birlikdə Moskvaya gələn Suriyanın keçmiş rəhbəri Bəşər Əsədlə görüş hələlik yer almayıb.
O qeyd edib ki, belə şəxslərə Rusiyada sığınacaq verilməsi ilə bağlı qərarlar dövlət başçısı olmadan qəbul oluna bilməz.
"Cənab Əsədin harada olduğu barədə deyiləcək heç nə yoxdur", - Peskov əlavə edib.
Sherg.az xəbər verir ki, Peskov əlavə şərhlərdən imtina edib.
Dekabrın 8-nə keçən gecə müxalifət qrupları Dəməşqi ələ keçirib. “Reuters”in verdiyi məlumata görə, Suriya ordusu komandanlığı prezident Bəşər Əsədin hakimiyyətinin “bitdiyini” açıqlayıb.
Rusiya Xarici İşlər Nazirliyi Əsədin dövlət başçısı postunu tərk etmək qərarına gəldiyini və “hakimiyyətin sülh yolu ilə ötürülməsi üçün göstərişlər verərək” Suriyanı tərk etdiyini bildirib. Daha sonra TASS-ın Kremldəki mənbəsi bildirib ki, Əsəd ailə üzvləri ilə birlikdə Moskvaya gəlib, Rusiya onlara “humanitar səbəblərə görə” sığınacaq verib.
