Rusiya ilə Ukrayna arasında növbəti sülh danışıqlarının yeri hələ müəyyən olunmasa da, ilk raunda ev sahibliyi edən Türkiyəyə üstünlük verilə bilər.
Sherg.az xəbər verir ki, Kremlin sözçüsü Dmitri Peskov, danışıqlar üçün sənəd layihələrinin hazırlandığını və müvəqqəti atəşkəs ehtimalının da müzakirə olunduğunu bildirib.
Rusiya Xarici İşlər Naziri Sergey Lavrov isə yaxın zamanda yeni danışıqlar raundunun elan ediləcəyini deyib. O, ABŞ Prezidenti Trampın təşəbbüsü və Türkiyə ilə Səudiyyə Ərəbistanının dəstəyini yüksək qiymətləndirib.
Ukrayna Prezidenti Zelenski də danışıqlar üçün Türkiyə, İsveçrə və Vatikanın real ev sahibi ola biləcəyini bildirib.
