- ABŞ liderinin fikrincə, bu saziş Yaxın Şərq ölkələrinin birləşməsini nümayiş etdirir
ABŞ Prezidenti Donald Tramp Türkiyə, Səudiyyə Ərəbistanı və Pakistanın birgə müdafiə haqqında Məkkə Sazişi imzalamasını müsbət qarşılayıb.
Sherg.az xəbər verir ki, Tramp özünün Truth Social sosial şəbəkəsində yazıb: “Səudiyyə Ərəbistanı, Türkiyə və Pakistanın nəhayət bu yaxınlarda Məkkə Sazişini imzaladığını görməkdən çox məmnunam.”
ABŞ liderinin fikrincə, bu saziş Yaxın Şərq ölkələrinin həmrəyliyini göstərir.
O, üç ölkənin bu addımını cəsarətli və mühüm qərar kimi qiymətləndirib.
Qeyd edək ki, 7 avqustda Səudiyyə Ərəbistanı, Türkiyə və Pakistan hərbi ittifaqın yaradılması haqqında saziş imzalayıblar. Sazişə əsasən, tərəflərdən hər hansı birinə qarşı silahlı hücum üçünün hamısına qarşı hücum kimi qiymətləndiriləcək.
"Turkiye" qəzetinin məlumatına görə, birgə müdafiə paktı kəşfiyyat məlumatlarının mübadiləsi və regional təhlükəsizliyin əlaqələndirilməsi sahəsində əməkdaşlığı da nəzərdə tutur.
