İstanbulda bəzi iş yerlərinə qarşı silahlı hücumları təşkil etdiyi və icraçıları əlaqələndirdiyi müəyyən edilən cinayətkar qrupun üzvü Azərbaycanda saxlanılıb və Türkiyəyə gətirildikdən sonra məhkəmə qərarı ilə həbs edilib.
Sherg.az xəbər verir ki, İstanbul Polis İdarəsinin məlumatına görə, müxtəlif xarici GSM xətləri vasitəsilə vətəndaşlardan pul tələb edən, ardınca silahlı hücumları sifariş edən İntizar Babaniyazov adlı şübhəli Azərbaycanda yaxalanıb. İstanbulda aparılan istintaq zamanı onun 2 hədələmə və 4 atəş açma hadisəsi olmaqla ümumilikdə 6 cinayətdə iştirak etdiyi müəyyən edilib.
Şübhəli şəxs Çağlayan Məhkəməsinə çıxarılaraq həbsxanaya göndərilib.
