Türkiyənin Diyarbəkir bölgəsində 9 yaşlı uşağı qaçırmağa çalışan 28 yaşlı G.K. yaxalanıb. Onun polis idarəsindəki istintaq hərəkətləri davam etdirilir.
Sherg.az xəbər verir ki, Diyarbəkir Asayiş Şöbəsi, Quldurluq Bürosu əməkdaşlarının apardığı əməliyyatla 9 yaşlı uşağı qaçırmağa çalışan şübhəli G.K.-nın yeri müəyyən edilib.
G.K., Bağlar rayonunun Bağcılar qəsəbəsində bir məscidin həyətində gizləndiyi yerdə saxlanılaraq həbs olunub.
Hazırda onun polis idarəsindəki istintaqı davam edir.
Diyarbəkirdə 27 avqust günü günorta saatlarında Yenişehir qəsəbəsi, Lisə 1-ci küçəsində bir nəfər köynəyindən tutduğu oğlan uşağını zorla aparmağa çalışıb.
Bu vaxt uşaq ağlayaraq “qardaş, məni xilas et” deyə qışqırıb. İnşaat materialları satan satıcı Ahmet Aslan (42) şübhəliyə müdaxilə edib.
Uşaq şübhəlinin əlindən qaçaraq xilas olub. Aslan isə şübhəliyə yumruq vurmaq istəyəndə zərbə daş stendinə dəyib və nəticədə onun iki barmağı sınıb.
Şübhəli hadisə yerindən qaçarkən polisə xəbər verilib.
Hadisədən sonra ailənin də şikayəti əsasında polis ərazidəki təhlükəsizlik kameraları və KGYS (Şəhər Təhlükəsizlik İdarəetmə Sistemi) görüntülərini araşdırmağa başlayıb.
