Rusiya Silahlı Qüvvələri avqustun 31-nə keçən gecə Ukraynanın Odessa vilayətində yerləşən Çernomorsk (2016-cı ilə qədər İliçevsk adlanırdı) limanına zərbələr endirib.
Publika.az xəbər verir ki, bu barədə “Donbas Partizanı” adlı "Telegram" kanalı məlumat yayıb.
Bildirilib ki, Rusiya hərbçiləri “Geran-2” tipli pilotsuz uçuş aparatları vasitəsilə limanın anbar və yükləmə sahələrinə hücum ediblər.
“Ən azı beş birbaşa zərbə qeydə alınıb, bu da genişmiqyaslı yanğınlara və yüklərin ikinci dəfə partlamasına səbəb olub”, - deyə məlumatda bildirilir.
Kanal əlavə edib ki, hücum nəticəsində limanda hərbi yük daşıyan gəmi də zədələnib.
