Zahid Oruc müraciət yaydı: Qalib gələn Odur!
Yusif Nəzərli
06:53 02.09.2024
Siyasət
517
Milli Məclisə keçirilən 1 sentyabr 2024-cü il seçkilərində 33 saylı Xətai birinci seçki dairəsindən qalib gələn Zahid Oruc seçicilərinə müraciət edib.
Axar.az xəbər verir ki, o, 2024-cü ilin ikinci yarısında keçirilən parlament seçkilərini Qarabağın 30 ildən artıq işğalına tam son verildiyi dövrün ən böyük siyasi hadisəsi adlandırıb.
“Sovetlərin dağılmasından sonra Azərbaycanda millətin təməl mövzusunu Qarabağ təşkil edib. Müxtəlif qüvvələrin ümumilli problemlərin həlli şüarları ilə siyasi hakimiyyətə gəlməsi və getməsi də torpaqların azad edilməsi faktoru ilə müəyyənləşib. “Bu seçki kampaniyası əvvəlkilərdən nə ilə fərqlənir?” sualına ən böyük cavab 8 noyabr Zəfər və 20 sentyabr “Bütövlük Günü”dür.
Tariximizdə ilk dəfə, bütün partiya, hərəkat və şəxslərin, o cümlədən milyonlarla vətəndaşımızın platforma və tələblərində “Ümumilli problem”, “Qarabağ münaqişəsi”, “Qaçqın və məcburi köçkünlər” adlanan bəndlər yer almadı. 14 fevral tarixində inaqurasiya mərasimində dövlət başçısının Yeni Tarixi Mərhələnin bəyanı erkən parlament seçkilərinin izahında əsaslı arqumentdir. Azərbaycan məğlub ölkə əsrindən Qalib ölkə Yüzilinə qədəm qoyub. Müstəqillik tariximizin ən ağır “Zəfərə qədərki” dövrü sona çatıb, “Zəfərdən sonrakı” qalibiyyət tarixi yazılır.
Əziz xətaililər!
“Oruc Allahın, seçim xalqın” və “Ağ şəhərdən yaşıl Xətaiyə” şüarları ilə çıxdığımz müqəddəs bir yolda sizinlə çiyin-çiyinə böyük məsafə qət etdik.
Zəfər meydanından başladığımız təbliğat-təşviqat kampaniyasını bizə inanan seçicilərimizin ruh yüksəkliyi və qətiyyətli inamı ilə Zəfər Meydanında da uğurla başa çatdırdıq.
Seçki təşviqatı dövründə bütün çağırışlarınıza diqqət etdik, evlərinizdə qonaq olduq. Qədirbilən Xətai sakinlərinin son 2 ay ərzində göstərdikləri yüksək səmimiyyət və doğmalıq mühiti, vətəndaşların nümayiş etdirdikləri prinsipal dövlətçilik mövqeyi, eyni zamanda tələbkarlıq, xalqa xidmətin yeni meyarlarının dilə gətirilməsi üzərimizə böyük məsuliyyət qoyur.
İstər “Qənimətlər parkı”, istərsə də “Zəfər muzeyi”nin özünə doğma ünvan tapdığı bir rayonun təmsilçisi olmaq tərcümeyi-halımızın şərəfli səhifələri olacaqdır. Vətəndaşlarımızı öz işıqlı gələcəyini birlikdə qurmağa inandırmaq və 1 sentyabrda - Qələbə ayında siyasi imtahana yalnız “seçici-namizəd” prinsipi ilə deyil, daha çox xalqımızın çoxəsrlik tarixinin yeni mərhələsinə - Yeni Yüz İlə qalibiyyətlə başladığı kimi onu davam etdirmək və möhkəmləndirmək ideyası uğur qazandı.
Sizə verdiyimiz vədlər, irəli sürdüyümüz ideyalar və baxışlar daha böyük vətəndaş gücü ilə birləşərək gələcək uğurların zəmanəti olacaqdır. Bəli, həyat fəlsəfəmiz - millətimiz ayağına gələni ucaldır!
Unutmayaq ki, uğurlar müttəfiqimiz, problemlər isə rəqibimiz olaraq qalmaqda davam edir. Sizinlə çiyin-çiyinə addımlayacağıq!
Biz hər zaman xalqımıza ləyaqətlə xidmət etməkdən qürur duyduq, millətimizi layiqincə təmsil etdik.
Bizə verilən səslər Ulu Öndərin dövlətçilik kursuna, Prezident İlham Əliyevin 8 noyabr Zəfər, 20 sentyabr “Bütövlük günü”nə verilən xeyir duadır və uğur qazanan hər kəs bu həqiqəti unutmamalıdır.
Biz heç bir ideoloj-siyasi fərq qoymadan bütün namizədlərin dövlət və millət ideyalarını həyata keçirməkdə qərarlayıq. Belə olan halda kimsə seçkilərin nəticələrinə görə özünü məğlub saymamalıdır.
Seçkilərdə qələbə çalan Qalib Azərbaycandır, Millli birliyimizdir, Böyük qayıdışdır! Qarabağda Qələbədən Ədalətin Zəfər çaldığı bir ölkə quruculuğuna doğru daha böyük hədəflər millətimizin qarşısındadır.
İşğala son qoyan dövlət və xalq bütün problemlərin həllinə qadirdir”, - o vurğulayıb.
Oxşar xəbərlər
Xəbər lenti
Hamısına bax
Naftalanda 3 məktəblini maşın vurub - YENİLƏNİB
22:54 20.11.2026
Hadisə
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya