Futbol üzrə Amerika Kubokunun qrup mərhələsi çərçivəsində Paraqvay yığması ilə Çili millisi qarşılaşıb.
Oyun Paraqvay millisinin 2:0 hesablı qələbəsi ilə yekunlaşıb.
Qarşılaşmada qollara Brayan Samudio (33-cü dəqiqə) və Miqel Almiron (58-ci dəqiqə) imza atıb.
Paraqvay millisi üç turdan sonra A qrupunda altı xal toplayıb və pley-offa vəsiqəni təmin edib.
A qrupunda birinci yerdə yeddi xalla Argentina millisi qərarlaşıb.
Bu qrupunda digər oyun Boliviya ilə Uruqvay arasında baş tutub.
Oyun Uruqvay millisinin 2:0 hesablı qələbəsi ilə yekunlaşıb.
Uruqvay millisi A qrupunda dörd xalla üçüncü sıradadır.
