Əfsanəvi argentinalı futbolçu Dieqo Maradonanın qardaşı Uqo Ernan Maradona vəfat edib.
53 yaşlı Uqo Ernan Maradona İtaliyada, Neapol əyalətində yerləşən şəxsi evində dünyasını dəyişib.
İlkin versiyaya görə, U.Maradona ürək dayanması nəticəsində ölüb.
Uqo Ernan Maradona da qardaşı kimi futbolçu olub.
Qeyd olunur ki, o, yarımmüdafiəçi kimi karyerasında Cənubi Amerika, Avropa klublarında və Argentina millisinin gənclərdən ibarət yığmasında forma geyinib.
Mənbə: La Gazzetta dello Sport
