Hollandiya milli futbol komandasının keçmiş yarımmüdafiəçisi 35 yaşlı Uesli Sneyder idman karyerasını bitirib.
Trend-in məlumatına görə, bu barədə "Goal.com" portalı bildirib.
2018-ci ildən etibarən futbolçu Qətərin "Əl Garafa" klubunda çıxış edib. U.Sneyder ötən mövsümdə 11 matç keçirib, 6 qol vurub və bir ötürmə verib.
Sneyder eyni zamanda Hollandiyanın "Ajax", İspaniyanın "Real", İtaliyanın "İnter", Türkiyənin "Qalatasaray" və Fransanın "Nice" klublarında da çıxış edib.
Niderland yığmasında çıxışı zamanı o Dünya çempionatında gümüş (2010) və bürünc (2014), Avropa çempionatında (2004) bürünc medal qazanmışdır.
