İstanbulu zəlzələyə davamlı vəziyyətə gətirməliyik.
Axar.az xəbər verir ki, bunu Türkiyə Prezidenti Rəcəb Tayyib Ərdoğan deyib.
“İstanbul kimi şəhəri qorumaq bizim ən böyük borcumuzdur. Bu vəzifəni yerinə yetirmək üçün biz İstanbulu fəlakətlərə, xüsusilə zəlzələlərə davamlı etməliyik. 6 fevral zəlzələləri bizə göstərdi ki, hazırlığımızı tamamlamadan yeni güclü zəlzələləri yaşaya bilərik. Biz bu faktı nəzərə alaraq planlarımızı həyata keçirməliyik”, - Ərdoğan bildirib.
O əlavə edib ki, vaxtı ilə CHP zəlzələ nəticəsində dağılmış şəhərlərdə bizim şəhərsalma layihələrimizə qarşı çıxıb:
“Nəticədə bir gecədə 53 min insan həyatını itirdi, ölkəyə 100 milyard dollardan çox ziyan dəydi. Peşman oldularmı? Xeyr. İnciməsinlər, biz eyni ağrını bir də yaşaya bilmərik”.
