"3-4 il əvvəl kartofun qiyməti çox aşağı düşdü. Təsərrüfatla məşğul olanların becərdiyi kartof əlində qaldı. Sata bilmədilər, xarab oldu. Az-çox sahəsi olan kiçik fermerlər və fərdi təsərrüfat sahibləri taxıl səpməyə başladılar".
Bunu "Sherg.az"a açıqlamasında Gədəbəy sakini, rayonun ziyalısı Novruz Əliyev “Niyə Gədəbəy kartofu qəhətə çıxıb?” sualını cavablandırarkən deyib.
![](https://scontent.fgyd21-1.fna.fbcdn.net/v/t1.15752-9/332913353_734870428193276_2346208464064631456_n.jpg?_nc_cat=110&ccb=1-7&_nc_sid=ae9488&_nc_ohc=1qJaEc2MI38AX_IXY0W&_nc_ht=scontent.fgyd21-1.fna&oh=03_AdS9QQmvpRJgABjQaID6ZojonEwbMaHix0FdLdP0f2UqGw&oe=64295FB0)
O bildirib ki, ötən ilki quraqlığa görə də, məhsul aşağı idi:
"Alıcı kəndləri axtarır, kimdə məhsul varsa, alır. Lakin əvvəlki kimi deyil. İstər-istəməz məhsul az olduğu üçün qiymət də yüksəkdir".
Qeyd edək ki, bazarlarda Azərbaycanın yerli məhsulu - Gədəbəy kartofuna rast gəlmək olmur.