2023-cü ildə Azərbaycana 4 milyon 430 min dollar dəyərində 3045 kq gümüşdən hazırlanan zərgərlik məhsulları idxal edilib.
Sherg.az Dövlət Statistika Komitəsinə istinadən xəbər verir ki, bu göstərici əvvəlki illə müqayisədə həcm baxımından 21.4% və ya 536 kq, dəyər baxımından isə 33% və ya 1.1 milyon dollar artıb. 2022-ci ildə Azərbaycana 3 milyon 330 min dollar dəyərində 2509 kq gümüşdən hazırlanan zərgərlik məhsulları idxal edilib.
Qeyd edək ki, ötən il gümüşdən hazırlanan zərgərlik məhsulları ölkəyə əsasən Çin, Tailand və Türkiyədən idxal edilib. Belə ki, Türkiyədən 1 milyon 559 min dollar dəyərində 1463 kq, Çindən 1 milyon 322 min dollar dəyərində 1231 kq, Tailanddan isə 792 min dollar dəyərində 271 kq bu qəbildən olan məhsullar idxal edilib.
