“Günay Bank”ın əməkhaqqı kartlarındakı pulları ödəniləcək

Yusif Nəzərli 03:55 19.05.2023 İqtisadiyyat 584

"Mərkəzi Bankın qərarı ilə lisenziyası ləğv edilən “Günay Bank"da olan əməkhaqqı və plastik kartlardakı pulların taleyi ilə bağlı suallar ünvanlanır". Bu barədə millət vəkili Vüqar Bayramov deyib. Deputat bildirib ki, həmin vəsaitlər Əmanətlərin Sığortalanması Fondu tərəfindən kompensasiya ediləcək: "Bu baxımdan, həmin kartlarda olan pullar dövlət tərəfindən vətəndaşlara ödəniləcək. Belə ki, fiziki şəxslərin kartlarında olan vəsaitlər ləğvedici təyin edildikdən sonra qanunvericiliyə uyğun olaraq qorunan əmanət kimi vətəndaşlara odənilir. Bunun üçün ləğvedici tərəfindən agent bank seçilir və həmin vəsaitlərin qaytarılması müəyyən edilmiş qaydada həyata keçirilir. Prosesə yaxın zamanlarda start veriləcəyi gözlənilir".