Xəstə halda tapdığı sincabla indi aralarında əməlli-başlı sevgi bağı yaranıb
İnegöldə bir inşaat şirkətində çalışan Osman Mendi, 4 ay əvvəl ailəsi ilə birlikdə piknik üçün meşəyə getmişdi.
Orada halsız vəziyyətdə yanına gələn sincabı görən Mendi, onun xəstə olduğunu düşünüb əlləri ilə bəsləməyə başlayıb.
Bir müddət qayğı göstərdikdən sonra sincabı evinə aparan Mendi, xüsusi olaraq baxdığı heyvana ‘Kalender’ adını verib.
Sherg.az xəbər verir ki, Kalenderlə aralarında xüsusi bağ yarandığını bildirən Osman Mendi bunları deyib:
“Kalender xəstə idi. Onu evə gətirdim. Burada yavaş-yavaş gəzməyə başladı. Sonra öyrəndim ki, evdə sincab saxlamaq qanunsuz imiş. Azad buraxmağa çalışdım. Bursada bir parkda təbiətə buraxdım.
Ağaca çıxdı, təxminən 1 saat orada qaldı, amma sonra yenidən yanıma gəldi. Görünür, mənə alışmışdı, yenə üstümə çıxdı. Mən də onu yenidən evə gətirdim. Evdə daim mənimlə oynamağa başladı. Mən də alışdım, artıq ondan ayrıla bilmirəm, çölə çıxanda da mənimlə birlikdə gəzir. Tapanda təxminən 2 həftəlik idi, indi 4 aydır mənimlədir.
Heyvan sevgisi həqiqətən tamamilə fərqli bir duyğudur. Daha əvvəl belə bir şey yaşamamışdım. Əvvəllər pişiklərim olmuşdu, hətta onlardan iyrənirdim. Amma bu heyvanda elə bir hiss yaranmadı. Hətta mənə pul təklif edənlər oldu, ciddi məbləğlər dedilər, amma vermədim. Onun yerini heç bir şeyin doldura biləcəyini düşünmürəm.”
