Uzun müddətdir, meyxanaçı Ağakərim sağlamlığı ilə bağlı problemlər yaşayır. Qeyd edək ki, söz ustadının 2017-ci ilin mart ayında beyninə qan sızıb və xeyli zamandır bu xəstəlikdən əziyyət çəkir.
Ustadın oğlu Kamil atasının sağlamlığı haqqında “Sherg.az”a açıqlama verib :
-Ağakərim müəllimin səhhəti necədir?
-6 aydan çoxdur ki, müalicə alır. Yataq xəstəsidir. Yeriyə bilmir, yaddaşı gedib-gəlir. Real danışmaq lazımdır. Hazırda vəziyyəti belədir.
-Xəstəxanada, həkim nəzarətində müalicə alır, yoxsa evdə?
-Xəstaxanaya aparıram 5 gün həkim nəzarətində qalır, resept yazılır. 6 aydır ki, eyni reseptlə müalicəsi davam edir.
-Müalicəsi üçün xarici ölkələrə göndərilə bilərmi?
- Həkimlər xaricdə müalicə ilə bağlı bir söz deməyib. Azərbaycanda müalicəsi davam edəcək.
- Bəs meyxanaçı dostlarından onu ziyarətə gələnlər varmı?
- Gələnlər də, gəlməyənlər də sağ olsun. Amma əsas həmişə ziyarət edən Ağamirzə müəllimdir. Bir də tələbələri - Elşən Balaxanı,Tərlan Novxanı, Balaəli Maştağalı gəlirlər. Həmişə ziyarət edən onlardır.
Samirə Ərəbova
