
Erməni diasporu ilə Nikol Paşinyan arasında fikir ayrılıqları mövcuddur -Politoloq
13:28 17.02.2025
Aktual
698
Almaniyada fəaliyyət göstərən erməni diaspor təşkilatları Münhen Təhlükəsizlik Konfransında iştirak etmək üçün bu ölkəyə səfər edən Ermənistan Baş naziri Nikol Paşinyanla görüşməkdən imtina ediblər. Bu barədə Almaniya Erməniləri Mərkəzi Şurasının İdarə Heyətinin sədri Conatan Şpangenberq deyib. Onun sözlərinə görə, Erməni yeparxiyası, 16 kilsə ittifaqı, Almaniyadakı Ermənilərin Mərkəzi Şurası və ya onun üzvü olan hər hansı ictimai təşkilat, “Ermənistan” fondu, Erməni Hüquqşünaslar İttifaqı, Erməni Həkimlər İttifaqı, Ermənistan Peşəkarlar İttifaqı, Ermənistan Sahibkarlar İttifaqı, Erməni Ümumi Xeyriyyə İttifaqı, Ermənistan Akademiklər İttifaqı, Erməni Yardım Cəmiyyəti, müxtəlif erməni gənclər ittifaqları və digər təşkilatlar Paşinyanla görüşməkdən imtina ediblər. Şpangenberq bildirib ki, heç bir tanınmış tanınmış şəxs və ya intellekt orada olmayıb. Yalnız Münhen Erməni İttifaqının idarə heyətinin yeni seçilmiş bir üzvü iştirak edib”. Qeyd edək ki, Nikol Paşinyan Münhen Təhlükəsizlik Konransında iştirak üçün bu ölkəyə getmişdi.
Politoloq Turan Rzayev “Sherg.az”a söyləyib ki, Erməni diasporu ilə Nikol Paşinyan və onun administrasiyası arasında fikir ayrılıqları mövcuddur:

“Ermənistanın 44 günlük müharibə zamanı "Artsaxa" dəstək verməməsi və separatçıların məğlubiyyətə uğraması, daha sonra ermənilərin Qarabağı tərk etməsində diaspor Nikol Paşinyanı günahlandırır. Onlar düşünürlər ki, Paşinyan yetərincə dəstək olsaydı, “Arsax” ayaqda qalardı. Əslində Paşinyan bu məsələdə kifayət qədər mövqe sərgiləyib və Qarabağa ermənilərini qorumağa çalışıb. Amma diaspor bunu qəbul etmək istəmir. Eyni zamanda hazırda Ermənistanın rəsmi Bakının şərtlərini qəbul etməsi və sülhə belə yaxın olması diasporu ciddi şəkildə narahat edir. Erməni lobbisi və diasporası illərdir ki, Avropa, Amerikada və digər coğrafi məkanlarda başlıca olaraq erməni soyqrımı, “Arsax” istiqamətində propaqanda siyasəti aparıblar. Hətta bir çox hallarda toplanan iyanələr, dotasiya və digər maliyyə məsələləri də məhz bundan qaynaqlanırdı”.
Ekspert qeyd edib ki, indi isə diasporun fəaliyyətinin davamlılığı şübhə altındadır:
“Çünki Azərbaycan və Ermənistan münaqişəsi bitmək üzrədir. Son iki məsələnin müzakirəsi yekunlaşarsa, Ermənistan və Azərbaycan arasında faktiki olaraq sülhün əldə edilməsi istiqamətində heç bir maneə qalmayacaq. Əgər sülh olarsa, bu xalqların barışması istiqamətində addımların başlamasına gətirib çıxacaraq. Belə olan halda bu həm diaspor və lobbinin yüz ildən artıq davam etdiyi sistemin çökməsi, həm də erməni dövlətindən daha qədim olan ideologiyanın çökməsi deməkdir. Diaspor isə bunun fərqindədir və ona görə də Paşinyana belə reaksiya göstərir. Nikol Paşinyan hakimiyyətdə olsun və yaxud başqası Qarabağ sonsuza qədər işğalda qalmayacaqdı. Azərbaycan həmin əraziləri onsuz da işğaldan azad edəcəkdi”.
Oxşar xəbərlər
Xəbər lenti
Hamısına bax
Pul axını başladı: Bu həftə varlanacaq BÜRCLƏR
08:20 16.11.2026
Şou
Yadplanetlilər Yerə enir?
07:51 16.11.2026
Maraqlı
Payızda bu 2 qida mütləq yeyilməlidir
07:17 16.11.2026
Sağlamlıq
ABŞ-ın daha bir aviadaşıyıcısı Yaxın Şərqə gəlir
06:42 16.11.2026
Aktual
Serial eşqi gerçək oldu
03:33 16.11.2026
Şou
Qanınızı qatılaşdıran 2 əsas səbəb
02:56 16.11.2026
Sağlamlıq
Hörmüz boğazında tanker minaya düşüb
01:59 16.11.2026
Son dəqiqə
Saakaşvili milli komandanı dəstəkləməyəcək - Səbəb
01:40 16.11.2026
Aktual
İran XİN: ABŞ-nin Tehranın şərtlərinə cavabı praktik deyil
00:37 16.11.2026
Region
KİV: İranın arsenalında 1500–2500 ballistik raket var
00:16 16.11.2026
Aktual
Çexiyada son 40 ilin ən böyük etirazı...
23:33 15.11.2026
Dünya
Xırdalanda güclü külək 7 avtomobilə ziyan vurub
23:15 15.11.2026
Hadisə
Husilər Ər-Riyadda hava limanını hədəfə aldıqlarını açıqlayıblar
22:56 15.11.2026
Gündəm
SEPAH Fars körfəzində supertankerin batırıldığını açıqlayıb
22:19 15.11.2026
Gündəm
ABŞ-də uçuşların noyabrın 16-da normallaşacağı proqnozlaşdırılır
21:03 15.11.2026
Gündəm