Trampın bu paylaşımı həm də o deməkdir ki, Azərbaycan Prezidentini izləyirlər və Amerika haqqında dediyi hər bir fikrə ciddi şəkildə diqqət yetirilir
ABŞ Prezidenti Donald Tramp Azərbaycan Prezidenti İlham Əliyevin Şuşa Qlobal Media Formunda onunla bağlı açıqlamasını şəxsi səhifəsində yayımladı. Donald Trampın prezident İlham Əliyevlə bağlı etdiyi paylaşım ABŞ-Azərbaycan münasibətlərinin yenidən canlandığını göstərir. Bu, həm də onu göstərir ki, ABŞ Azərbaycanın mövqeyini diqqətlə izləyir və prezident İlham Əliyevin dediklərinə əhəmiyyət verir.
Mövzu ilə bağlı politoloq Zaur Məmmədov Sherg.az-a açıqlama verib:
"Bu, ABŞ prezidenti Donald Trampla olan münasibətlərin inkişafıdır. ABŞ-Azərbaycan arasında münasibətlər 2020-2024-cü illərdə demokratların hakimiyyəti dövründə dekadensiyada idi. Lakin artıq vəziyyyət dəyişib. Digər tərəfdən Trampın bu paylaşımı həm də o deməkdir ki, Azərbaycan Prezidentini izləyirlər və Amerika haqqında dediyi hər bir fikrə ciddi şəkildə diqqət yetirilir. Prezident İlham Əliyev 2024-cü ilin yay aylarından başlayaraq Trampı açıq şəkildə dəstəkləyir".
Ekspert Trampın qalib gəlməsindən sonra qarşılıqlı dialoqun başlandığını bildirib:
"Bu yeni bir səhifə, yeni uğur demək idi. Ermənistan-Azərbaycan arasında olan danışıqlarda məhz Azərbaycanın irəli sürdüyü və üzərində dayandığı müddəaları ABŞ də dəstəkləyir. Faktiki olaraq onların təsiri ilə də Ermənistan bunu qəbul edir".
