Gürcüstan Azərbaycan-Türkiyə-Gürcüstan üçtərəfli əməkdaşlıq formatına böyük əhəmiyyət verir.
Sherg.az xəbər verir ki, bunu Gürcüstanın Baş naziri İrakli Kobaxidze Gürcüstan-Azərbaycan Hökumətlərarası İqtisadi Komissiyasının 10-cu sessiyasında bildirib.
“Şübhəsiz ki, qeyd olunan mexanizmin müxtəlif istiqamətlərdə uğurlu işləməsi ümumi maraqlarımıza daha da çox fayda gətirəcək. Ölkələrimiz müdafiə, mədəniyyət, təhsil, ətraf mühitin mühafizəsi, kənd təsərrüfatı, səhiyyə, turizm, gömrük sahələrində sıx əməkdaşlıq edir. Biz bu sahələrdə əməkdaşlığı daha da inkişaf etdirməyə və dərinləşdirməyə hazır olduğumuzu bildiririk. Bu gün bizim sektorial əməkdaşlığımızın perspektivləri və təşəbbüslərini müzakirə etmək imkanımız olacaq”, - İrakli Kobaxidze deyib.
Baş nazir komissiyanın iclası çərçivəsində əldə olunan nəticələrin strateji tərəfdaşlığa və əməkdaşlığın dərinləşməsinə əlavə təkan verəcəyinə ümid etdiyini bildirib.
