"Serbiya 1999-cu ildə Şimali Atlantika Alyansının (NATO) bombardmanlarının nəticələrini xatırlayır və heç vaxt bu təşkilata qoşulmayacaq".
Oxu.Az-ın TASS-a istinadən verdiyi məlumata görə, bunu Serbiya hökumətində beynəlxalq iqtisadi əməkdaşlığa məsul nazir Nenad Popoviç deyib.
O, 25 il əvvəl Serbiya sakinlərinin NATO-nun bombardmanının qurbanı olduqlarını və Belqradın tamamilə dağıldığını xatırladıb.
"Bundan sonra da sizi əmin edirəm ki, Serbiya heç vaxt NATO-nun üzvü olmayacaq. Biz müstəqil və azad siyasət yürüdürük", - deyə nazir vurğulayıb
