Cennaro Qattuzo futbol üzrə İtaliya millisinin yeni baş məşqçisi təyin edilib.
Bu barədə İtaliya Futbol Federasiyasının rəsmi saytı məlumat yayıb.
Bildirilib ki, 47 yaşlı məşqçi ilə 1 illik müqavilə imzalanıb. O, sentyabrın 5-də dünya çempionatının seçmə mərhələsi çərçivəsində Estoniya ilə matçda yığmanın baş məşqçisi kimi debüt edəcək.
Xatırladaq ki, 2023-cü ilin sentyabrından indiyədək bu postu 66 yaşlı mütəxəssis Luçano Spalletti tuturdu. O, bir neçə gün öncə vəzifəsindən ayrılıb.
