Əvvəlki illərin statistikası bağırsaq xərçəngindən yalnız yaşlı adamların əziyyət çəkdiyini qeyd edirdi. Amma son illərin araşdırmaları bunun belə olmadığını sübut etdi və bağırsaq xərçənginin əmələ gəlməsinə aşağıdakıların səbəb ola biləcəyini təsdiq etdi. Beləliklə, aşağıdakı adamlar bağırsaq xərçənginə tutulma riski altındadır:
1. Araşdırmalar 1980-1995-ci illərdə dünyaya gələnlərin yaşlılardan çox bağırsaq xəsrçəngindən əziyyət çəkdiyini qeyd edir.
2. Yoğun bağırsaq xərçəngindən xəstələrin 30%-in yaşı 55-dən az olan adamlardır. Onlarda bağırsaq xərçənginin inkişaf etməsinə qeyri-sağlam qidalanma və hərəkətin az olması səbəb olur.
3. Araşdırmalar bağırsaq xərçənginin yaranmasında həzm sisteminin yaxşı işləməməsinin də rolu olduğunu təsdiq edib. Gənc yaşlı adamların əksəriyyətində həzmin normal getməməsini nəzərə alaraq onların sağlamlıqlarının qayğısına qalmaq tövsiyyə edilir.
4. Bağırsaq xərçənginin əmələ gəlmə səbəblərindən birinin bağırsaqların təmbəl olmasıdır. Bunun baş verməməsi üçün həkimlər insanlara gün ərzində ən azı 5 km gəzməyi məsləhət bilirlər. Çünki, aktiv bir həyat tərzi bağırsaqların da aktiv işləməsinə səbəb olur.
Aşağıdakı əlamətlər bağırsaq xərçənginin əmələ gəlmə riskini artırır:
* yaş
* çoxlu ət yemək və qida rasionunda lifli qidalardan istifadə etməmək
* bədənin çəkisi(həddindən artıq kök və ya pəhriz saxlayaraq arıqlayan adamlar arasında bağırsaq xərçənginin əmələ gəlmə riski daha çox olur)
* oturaq həyat tərzi yaşayanlar
* spirtli içkidən və siqaretdən çox istifadə edənlər
* ailə üzvlərində bağırsaq xərçəngi olanlar.
Xəstəlik özünü aşağıdakı əlamətlərlə biruzə verir:
* nəcisdə qan
* defekasiya aktının fərqli olması
* ishal
* qarın bölgəsində ağrı.
Milli.Az
