33 beynəlxalq səyyahdan ibarət qrup Şuşaya gəlib.
Sherg.az xəbər verir ki, qonaqlar şəhərdə aparılan bərpa işlərinin gedişi ilə tanış olacaq, Şuşa qalasına və Cıdır düzünə səfər edəcəklər.
***
33 beynəlxalq səyyahdan ibarət qrup Ağdamı ziyarət edib.
Səyyahlar işğal dövründə Ermənistanın şəhərdə törətdiyi dağıntılar, eləcə də hazırda aparılan tikinti-bərpa işləri ilə tanış olublar.
Qonaqlar bərpa edilmiş Ağdam məscidində, Çörək muzeyi, Dram Teatrının xarabalıqlarında və Şəhidlər xiyabanında olublar.
Qeyd edək ki, "Piki Reels" səyyah klubunun təşkil etdiyi səfər çərçivəsində 12 ölkədən - ABŞ, Avstraliya, Belçika, Böyük Britaniya, İsrail, Kolumbiya, Niderland və digər ölkələrdən olan bir qrup turist Qarabağ və Şərqi Zəngəzura gəlib.
Səyyahlar Qarabağda və Şərqi Zəngəzurda erməni vandalizminin izləri, eləcə də bərpa işlərinin gedişi ilə tanış olacaqlar.
