
Analitik: Ermənistanın Suriyada baş verənlərdən narahatlıq keçirməsi çox başa düşüləndir
12:31 09.12.2024
Aktual
660
Əsəd rejiminin çökməsindən narahat olan erməni politoloq – Hrant Melik-Şahnazaryan bu prosesin Ermənistan üçün acı nəticələri olacağını iddia edib.
O bildirib ki, Dəməşq düşdüyü üçün Ərdoğanın qızı sosial şəbəkələrdə atasını təbrik edib:
“Türkiyə və Rusiya eyni məqsədi güdürlər. Biri Osmanlı imperiyasını, digəri Rusiya imperiyasını bərpa etməyə çalışır. Hər ikisinin bu işdə müəyyən uğurları var”.
Onun fikrincə, “yaranan yeni dünya nizamı yeni güc balansını” nəzərdə tutduğu üçün Cənubi Qafqazın iki ölkəsi – Azərbaycan və Gürcüstan buna hazırlaşır:
“Gürcüstan anladı ki, bu dəyişikliklər dövründə dəqiq seçim etməyi bacarmaq lazımdır. Və onlar Avropanın vədlərini Abxaziyanın geri qaytarılması perspektivinə tabe edərək, bu seçimi etdilər.
Artıq İran qüvvələri Azərbaycanın Zəngəzuru işğal etməyə hazırlaşdığı barədə xəbərlər yayırlar. Amma biz heç nə hiss etmək istəmirik”.
Siyasi şərhçi Həşim Səhrablı "Sherg.az"a deyib ki, Ermənistanın Suriyada baş verənlərdən narahatlıq keçirməsi çox başa düşüləndir:

"Baş verənlərə sadəcə Yaxın Şərqi maraqlandıran hadisələr nöqteyi-nəzərindən baxa bilmərik. Yaxın Şərq elə bir bölgədir ki, burada dünyanın ən böyük dövlətləri maraqlar müharibəsinə cəlb olunublar. Hər kəsin orada öz marağı var. Yəni Suriyada yarım əsrdən çox davam edən Əsəd sülaləsinin hakimiyyətinə son verilibsə, deməli artıq ölkədə anti-əsəd qüvvələr 2011-ci ildən 2024-cü ilə qədər davam edən Birinci Suriya müharibəsini qazanıblar. Ona görə Birinci Suriya müharibəsi deyirəm ki, çünki Suriyada birinci müharibə başa çatmış oldu. Bu da Əsəd rejimi ilə müxalifət arasında olan qarşıdurma idi. İndi İkinci Suriya müharibəsi başlayacaq. Bu isə bölgədə maraqları olan dövlətlərin dəstəklədiyi müxtəlif qruplar arasında olan mübarizə olacaq. Bunların hər biri hakimiyyəti ələ alıb Suriyada nəzarəti ələ keçirməyə çalışacaqlar. Birinci Suriya müharibəsində artıq qalib tərəflər bəllidir: Türkiyə, Amerika və İran. Məğlub olan tərəflər isə Əsəd rejimini qorumağı özünə öhdəlik bilən və maraqlı olanlar- Rusiya və İraqdır. Çünki qoruduqları Əsəd rejimi çökdü. Suriya artıq Türkiyə və Qərbin dəstəyi olan qrupların nəzarəti altındadır".
Şərhçinin sözlərinə görə, Ermənistan çox yaxşı anlayır ki, Türkiyə Yaxın Şərqdə öz maraqlarını tam mənada həyata keçirərsə, bir müddət sonra daha da güclənəcək və nüfuzlu dövlətə çevriləcək:
"Çünki əgər bir regionda sən qalibsənsə, deməli o regionun gələcək geosiyasi həyatı sənin istəklərin üzərində qurulur. Türkiyənin istəkləri üzərində qurulacaq geosiyasi vəziyyət formalaşarsa, Ankara həm Qərblə, həm də Şərq ölkələri ilə daha rahat şəkildə maraqlar mübarizəsinə qoşula biləcək. Türkiyənin maraqlarının başında isə ortaq Türk dünyası dayanır. Türk dövlətlərinin hərbi, iqtisadi və siyasi cəhətdən daha da bir hərəkət etmələri və güc mərkəzi formalaşdırmaları gələcək. Türkiyə Mərkəzi Asiya türk dövlətlərinin birləşdirilməsini istəyir. Məhz Zəngəzur dəhlizinin açılması məsələsi də burdan doğur. Ermənilər düşünürlər ki, Türkiyə gücləndikcə onun ən yaxın və dəyişilməz müttəfiqi Azərbaycan da güclənir. Bu iki dövlət gücləndikcə artıq tarixi haqsızlıqları aradan qaldırmaq səyləri daha da artacaq. Ermənilər Zəngəzuru işğal etməkdən danışırlar. Amma tarixi həqiqətlər isə bunun tam əksini söyləyir. Azərbaycan Zəngəzuru işğal etmir. Sadəcə özünə aid olan və ondan zorla qoparılan torpaqları geri qaytarır. Ermənilərin fikrincə, artıq Şərqdə geosiyasi vəziyyət İranın və Ermənistanı dəstəkləyən digər qüvvələrin zərərinə çevrildikcə Türkiyə güclənir. Buna görə də Ermənilər Fransa və Amerikadakı erməni lobbisinin dəstəyi ilə bütün dünyanın diqqətini Ermənistana cəlb etməyə çalışırlar. Yenə "işğala məruz qalan" ölkə rolunu yaratmağa çalışırlar. Amma dünyanın siyasəti bununla davam etmir. Hər şeydən əvvəl güc əsasdır. Son illərdə isə istər Yaxın Şərqdə, istərsə də Cənubi Qafqazda güc nisbəti türk dövlətlərinin xeyrinə dəyişməkdədir. Dünyada baş verən qlobal qarşıdurma təzadlı vəziyyət yaratdı. Buna görə də dünyanın ən böyük gücləri türk dövlətlərinə - başda Türkiyə və Azərbaycan olmaqla müəyyən mənada ehtiyac duyurlar. Eyni zamanda onlarla düşmən olmamağa çalışırlar. Bütün bunların sonunda əhalisi 3 milyondan az olan əhəmiyyətsiz Ermənistan dövləti heç kimə maraqlı deyil. Erməni tərəfi narahat olmaqla haqlıdırlar. Bunun həll yolu isə Azərbaycanla dil tapmasından keçir".
Oxşar xəbərlər
Xəbər lenti
Hamısına bax
Uşakov: Putin və Tramp bu gün görüşə bilərlər
13:37 18.11.2026
Gündəm
İraq Baş naziri SEPAH-a xəbərdarlıq etdi
13:30 18.11.2026
Aktual
Trampın Çinə səfəri başlayıb
13:22 18.11.2026
Dünya
Bəzi sürücülərə cərimələr yeni qayda ilə çatdırılacaq
13:15 18.11.2026
Cəmiyyət
Sabahın hava proqnozu açıqlanıb
12:54 18.11.2026
Ekologiya
DYP Samuxda baş verən qəza ilə bağlı məlumat yaydı
12:47 18.11.2026
Hadisə
Hikmət Babaoğludan Zahid Oruca irad: Bu, doğru deyil
12:40 18.11.2026
Cəmiyyət
Yohann Vadeful: Bakıda açıq dialoq apardıq
12:33 18.11.2026
Siyasət
Dərman satışı zamanı bazar qiymətinin tətbiqi qaydaları dəyişir
12:29 18.11.2026
Sağlamlıq
Nəqliyyat vasitələrinin utilizasiyası fondu ləğv olunur
12:22 18.11.2026
Gündəm
Kilolu adamlarla bağlı ən son araşdırma - Az yaşayırlar
12:14 18.11.2026
Sağlamlıq
Hesablama Palatasının xərclərinə ayrılan vəsait artırılıb
12:12 18.11.2026
İqtisadiyyat
Aqrar sahədə 100%-lik tam vergi azadolması ləğv edilir
12:04 18.11.2026
İqtisadiyyat
Kuryerlər aylıq 15 manat sadələşdirilmiş vergi ödəyəcək
11:53 18.11.2026
İqtisadiyyat