Məşhur müğənni Melek Mosso, 2 il əvvəl evləndiyi aktyor və model Serkan Sağdıçdan bir məhkəmə iclasında razılaşma əsasında boşanıb.
Tərəflərin məhkəməyə təqdim etdiyi protokol üzrə bir-birlərindən təzminat, aliment və ya mal bölüşdürülməsi ilə bağlı hər hansı tələb irəli sürmədikləri bildirilib.
Sherg.az xəbər verir ki, Müğənni Melek Mosso ilə basketbolçu, aktyor və model Serkan Sağdıç arasında “evlilik birliyinin əsaslı şəkildə sarsılması” səbəbilə qaldırılan razılaşmalı boşanma işi üzrə qərar verilib.
İstanbul Ailə Məhkəməsində keçirilən iclasa iddiaçı Melek Mosso və onun vəkili, həmçinin cavabdeh Serkan Sağdıç da qatılıb.
Hakim tərəflərə “Boşanmaq istəyirsinizmi?” sualını ünvanlayıb. Hər iki tərəf ayrı-ayrılıqda “Boşanmaq istəyirəm” cavabını verdikdən sonra məhkəmə Melek Mosso ilə Serkan Sağdıçın razılaşmalı şəkildə boşanmasına qərar verib.
Məhkəməyə təqdim olunan protokola əsasən, tərəflərin bir-birlərindən təzminat, aliment və ya mal paylaşımı tələbləri yoxdur.
