Müğənni Nadir Qafarzadə “Xəbər-ətər” proqramında dostlarından gileylənib.
“Sherg.az” xəbər evrir ki, o, sözügedən verilişdə bunları söyləyib:
“Çox sadəlöhv insanam. Tez inanıram. Bir şirin dillə danışanı qəlbimə salıb, evimə dəvət edib, pulların yerini göstərərəm. Sonra görürəm ki, məndən istifadə edirlər. Allah məni hər zaman bataqlıqdan çıxarıb. “Qardaşım", "sənətkar” deyənlər pandemiya dövründə zəng edib, halımı soruşmadılar ki, bu sənətkar nə yeyib-içir? Hər şeyi Allah edir. Bəndə nə karədir ki? O çətinlikləri geridə qoyduq. Bir imtahan idi. Tanrı sevdiyi bəndəni imtahan edir. Dərdi çəkənə verir”.
