İsrailin baş naziri Benyamin Netanyahunun ofisi ABŞ-ın təzyiqi ilə İsrailin İranın enerji obyektlərinə hücum etməməsi ilə bağlı yayılan xəbərləri yalan adlandırıb.
Sherg.az xəbər verir ki, məlumatda hücum üçün hədəflərin seçiminin əvvəlcədən milli maraqlara uyğun olaraq edildiyini vurğulayıb.
“Kanal 13-də Amerikanın təzyiqi nəticəsində İsrailin İrandakı qaz və neft obyektlərinə hücumla bağlı fikrini dəyişdiyi barədə xəbər tamamilə yalandır. İsrail hücum üçün hədəfləri Amerikanın diktəsi ilə deyil, öz milli maraqlarına uyğun olaraq əvvəlcədən seçib. Belə idi və belə də olacaq "-deyə baş nazirin ofisinin bəyanatında deyilir.
Şənbə gecəsi İsrail Müdafiə Qüvvələri (IDF) oktyabrın 1-də yəhudi dövlətinə edilən hücumlara cavab tədbirləri çərçivəsində İrandakı hərbi obyektlərə zərbələr endirdiyini bildirib. CBS News telekanalı mənbəyə istinadən xəbər verib ki, İsrailin İrana hücumu yalnız hərbi hədəflərlə məhdudlaşıb və nüvə və neft obyektlərinə şamil edilməyib.
İRNA-nın məlumatına görə, İranın neft sənayesi obyektlərindən heç birinə ziyan dəyməyib.
Fars xəbər agentliyi İsrailin Tehranın qərbində və cənub-qərbində bir sıra hərbi bazalara hücum etdiyini iddia edib. Eyni zamanda, “Tasnim” xəbər agentliyi İran paytaxtının qərbində və cənub-qərbində yerləşən İslam İnqilabı Keşikçiləri Korpusunun (SEPAH, Silahlı Qüvvələrin elit bölmələri) hərbi mərkəzlərinə zərər verilmədiyini bildirib.
RİA Novosti müxbirinin verdiyi məlumata görə, Moskva vaxtı ilə saat 04.25 radələrində Tehranın mərkəzi hissəsində, Rusiya səfirliyinin ərazisində, təxminən bir dəqiqə davam edən ikinci partlayışlar seriyası eşidilib.
