Amerikalı istifadəçilər "OpenAI" tərəfindən hazırlanmış "ChatGPT" çatbotunda texniki problemlərlə qarşılaşdıqlarını bildiriblər.
Trend xəbər verir ki, bu barədə məşhur internet xidmətlərinin işinə nəzarət edən "Downdetector" portalı məlumat yayıb.
Son yarım saat ərzində 3 300-dən çox istifadəçi "ChatGPT" platformasında nasazlıq olduğunu qeyd edib. Problemlərin xarakteri barədə dəqiq məlumat verilməsə də, bir çox istifadəçi xidmətin işləmədiyini və ya cavabların gecikdiyini bildirib.
Qeyd edək ki, "OpenAI" 2022-ci ildə "ChatGPT" xidmətini istifadəyə verib. Bu süni intellektə əsaslanan çatbot istifadəçilərlə dialoq şəklində ünsiyyət qura, suallara cavab verə, səhvlərini qəbul edə və uyğun olmayan sorğuları rədd edə bilir. Xidmətin imkanları həm ABŞ-də, həm də digər ölkələrdə, o cümlədən Rusiyada geniş marağa səbəb olub.
Hazırda "OpenAI"dən məsələ ilə bağlı rəsmi açıqlama verilməyib.
