Mingəçevir Şəhər Mərkəzi Xəstəxanasında yanğın olub

APA-nın Mingəçevir bürosunun məlumatına görə, bu gün xəstəxananın əsas korpuslarından birindəki ayaqyolu bölməsində elektrik xəttində baş verən qısaqapanma məhdud miqyaslı tüstülənmə və yanğına səbəb olub.

Hadisə yerinə Fövqəladə Hallar Nazirliyinin iki yanğınsöndürmə briqadası cəlb olunub. Yanğının qarşısı alınıb və təhlükə lokallaşdırılıb.

Hadisə zamanı zərərçəkən olmayıb.