Bakı polisi: Paytaxt sakinləri xüsusi karantin rejimi qaydalarına əməl etməlidirlər


Koronavirus infeksiyasının yayılması hallarının qarşısının alınması məqsədilə paytaxtda sosial izolyasiya tədbirlərinin və məhdudiyyətlərin gücləndirilməsi işləri davam etdirilir.

Bakı Şəhər Baş Polis İdarəsinin mətbuat xidmətindən AZƏRTAC-a bildiriblər ki, xüsusi karantin rejimi çərçivəsində polis Daxili İşlər Nazirliyinin Daxili Qoşunların hərbi qulluqçuları ilə birgə xidmət aparır: “Paytaxt sakinlərinə tövsiyə edirik ki, xüsusi karantin rejimi qaydalarına əməl etsinlər, sosial izolyasiya, özünütəcrid tədbirlərinə uyğun davransınlar”.