Bakıda qadınları fahişəliyə cəlb etməkdə təqsirləndirilən “Antalya Mehman” ləqəbi ilə tanınan Mehman Həsənov yenidən məhkəmə qarşısına çıxarılır. O, barəsində olan hökmdən kassasiya şikayəti verib.
Oxu.Az xəbər verir ki, şikayət hakim Tahir Kazımovun icraatına verilib.
Məhkəmənin vaxtı hələlik açıqlanmayıb.
Qeyd edək ki, hüquq-mühafizə orqanları 2018-ci il Nəsimi rayonu ərazisində masaj salonu adı altında əxlaqsız yuvaları aşkarlayıb. Həmin masaj salonun admistratoru Güləndam Murtuzova saxlanıb.
Onun həbsindən sonra məlum olub ki, Güləndamın administrator işlədiyi əxlaqsız yuvalarının fəaliyyətinə Həsənov Mehman Telman oğlu və Qəhrəmanov Baxşəli Abdulla oğlu rəhbərlik edib. Nəticədə, həmin şəxslər saxlanılaraq barələrində həbs-qətimkan tədbiri seçilib.
Hər üç şəxsə Cinayət Məcəlləsinin 243-cü (fahişəliyə cəlb etmə) maddəsi ilə ittiham verilib.
Nəsimi Rayon Məhkəməsinin hökmü ilə hər üç şəxs barəsində Cinayət Məcəlləsinin 70-ci (şərti) maddəsi tətbiq edilib və onlara şərti cəza verilib. Onlar məhkəmə zalından azadlığa buraxılıb.
