Yaxın gələcəkdə Avropa Birliyinə qarşı çox ciddi və güclü müxalifət bloqu kimi fəaliyyət göstərəcək Türk Şurası böyük işlərə imza atacaq.
Bu sözləri Axar.az-a açıqlamasında türkiyəli ekspert Həsən Oqtay AŞPA-nın Azərbaycan və Türkiyə siyasəti, eləcə də Prezident İlham Əliyevin Türkiyə XİN rəhbəri Mövlud Çavuşoğlunu qəbul edərkən bu təşkilatı tənqid etməsi haqda danışarkən deyib.
Onun sözlərinə görə, AŞPA yaxın gələcəkdə öz siyasətini dəyişəcək:
“Dünən Türkiyə Xarici İşlər naziri Mövlud Çavuşoğlu ilə Prezident İlham Əliyev arasında görüş zamanı AŞPA-nın siyasəti tənqid edildi. Hər iki tərəf bu qurumun ikili standartlı fəaliyyətini pisləyən bəyanatlarla çıxış etdi. Zənnimcə, bütün bu baş verənlərdən sonra AŞPA daha diqqətli davranmağa çalışacaq və ikili standart siyasətinə son verəcək”.
