KTMT liderləri Belarus nümayəndəsi Stanislav Zasın təşkilatın baş katibi vəzifəsinə təyinatını təsdiqləyiblər.
Axar.az xəbər verir ki, bunu KTMT-nin baş katibi səlahiyyətlərinin müvəqqəti icraçısı Valeri Semerikov deyib.
“Bizdə baş katibin təyinatıyla bağlı suallar var. Bu gün dövlət başçıları Zası 1 yanvar 2020-ci ildən etibarən bu vəzifəyə təyinatıyla bağlı təbrik etdilər”, – deyə o bildirib”.
Xatırladaq ki, erməni general Yuri Xaçaturova 1 mart 2008-ciil hadisələrinə görə ittiham elan olunmasından və onun geri çağırılmasından sonra KTMT-də baş katib postu boş qalıb. Ermənistan nümayəndəsi 2020-ci ilədək seçildiyi halda yalnız il yarım baş katib vəzifəsini tuta bilib.
Stanislav Zas Belarusun Milli Təhlükəsizlik Şurasının keçmiş rəhbəridir. O, 1985-ci ildə Bakı Ali Ümumqoşun Komandirləri Məktəbini bitirib. O, həmçinin, Belarus Hərbi Akademiyası və Rusiya Federasiyası Baş Qərargahının Hərbi Akademiyasında təhsil alıb.
