Yanvarın 20-dən sonra Çindən Tacikistana gələn 285 nəfər Düşənbənin yoluxucu xəstəliklər xəstəxanasına yerləşdirilib.
Axar.az xəbər verir ki, bunların əksəriyyəti Çində təhsil alan tacik tələbələridir. Nəzarət altına alınanlar arasında biznesmenlər, Tacikistanda işləyən Çin şirkətlərinin əməkdaşları da var.
Nazirlikdən deyiblər ki, xəstəxanaya yerləşdirilənlər arasında koronavirusa yoluxanlar yoxdur. Bununla belə onlar14 gün müayinə olunmalıdırlar.
Ölkə Səhiyyə nazirinin müavini Mirxamudin Kamilzoda bildirib ki, bu addım profilaktika xarakteri daşıyır və yeni koronavirusun Tacikistan ərazisinə daxil olmasının qarşısının alınmasına yönəldilib.
