Azərbaycan Memarlıq və İnşaat Universitetinin (AzMİU) “ST və MKS” fakültəsinin məzunu Nuran Qənbərliyə Türkiyə Prezidenti Rəcəb Tayib Ərdoğan diplom təqdim edib.
Oxu.Az-ın məlumatına görə, 2015-ci ildən Daxili İşlər Orqanlarında çalışan Nuran Qənbərli ötən il Türkiyəyə “Zabitlik” kursu üzrə təhsil almağa göndərilib.
Təhsilini uğurla başa vuran Nuran Qənbərli Türkiyə prezidentinin də qatıldığı məzuniyyət gecəsinə dəvət olunub və ona diplomunu şəxsən Türkiyə prezidenti təqdim edib.
Qeyd edək ki, Nuran Qənbərli AzMİU-nun 2015-ci il məzunudur.
