«Belə bir atalar sözü var ki, keçinin buynuzu qaşınanda çobanın çomağına sürtünür. Bizim dəmir yumruğumuz da həmişə hazırdır"
İyulun 4-ü gecə saatlarında Ermənistan silahlı qüvvələri tərəfindən atəşkəs pozulub.Müdafiə Nazirliyinin verdiyi məlumatə əsasən ,Erməni bölmələri dövlət sərhədinin Basarkeçər rayonunun Zərkənd yaşayış məntəqəsi istiqamətində yerləşən mövqelərindən Kəlbəcər rayonunun Dəmirçidam yaşayış məntəqəsi istiqamətində yerləşən Ordumuzun mövqelərini iriçaplı silahlardan intensiv atəşə tutub. Qeyd edək ki,Azərbaycan Ordusunun bölmələri tərəfindən adekvat cavab tədbirləri görülüb.Hazırda qeyd olunan istiqamətdə vəziyyət sabitdir, əməliyyat şəraiti bölmələrimizin tam nəzarəti altındadır.
Məsələyə münasibət bildirən ehtiyatda olan polkovnik Şair Ramaldanov “Sherg.az"a bildirib ki, dövlətimiz tərəfindən düşmənə lazım olan cavab verilib:
"Biz qalib olsaq da, hələ də müharibə vəziyyətindəyik. Ona görə ki, nə sülh müqaviləsi var, nə də sərhədlərin dermitasiyası məsələsi həll olunub. Bu da onu göstərir ki, Ermənistan hakimiyyəti məsələlərin həllini hansı yolla olursa olsun gecikdirməyə çalışır.
Biz bilir ki Ermənistan hər zaman xarici qüvvələrin sifarişini yerinə yetirib. Müharibədən sonra öz sərhədlərinə qovulan Ermənistan qonşuluq siyasəti yürütməlidir. Lakin görürük ki, erməni diasporu adıyla regiondakı gərginliyə maraqlı olan qüvvələr var.
Bu hadisələrdə Rusiya və Qərb faktorunu müəyyən formalarda görürük. Təbi ki biz atəşkəsin pozulmasını gözlənilən hadisə kimi qəbul etməliyik.
Lakin atəşkəsi pozan tərəfin neytrallaşdırmaq adekvat cavabdır. Azərbaycan ordusu öz üzərinə qoyulan tapşırığı yerinə yetirir və torpaqların təhlükəsizliyinı nəzarətində saxlayır. Ola biləcək təxribatların qarşısını almaq üçün tədbirlər görür. Azərbaycan sülhsevər ölkə olduğunu hər zaman bəyan edib və üzərinə düşən işləri görür. Ermənistan gec ya tez sülhə məcbur ediləcək və bütün məsələlər həllini tapacaq. Lakin son hadisələr onu göstərir ki, Ermənistan gah nala,gah da mıxa vurur.
Belə bir atalar sözü var ki, keçinin buynuzu qaşınanda çobanın çomağına sürtünür. Bizim dəmir yumruğumuz da həmişə hazırdır".
