Ermənistanda qanunsuz övladlığa götürmə ilə bağlı cinayət işi çərçivəsində üç nəfərə ittiham irəli sürülüb.
Virtualaz.org yerli KİV-ə istinadən bildirir ki, bu barədə Ermənistan İstintaq Komitəsi məlumat yayıb.
Qeyd edək ki, noyabrın 14-də Ermənistanın Milli Təhlükəsizlik Xidməti 30-dan çox uşağın qanunsuz olaraq İtaliya vətəndaşlarına övladlığa verilməsini aşkarlayıb.
İlkin istintaq çərçivəsində Respublika Doğum Evinin direktoru Razmik Abramyana uşaqları valideynlərdən qanunsuz ayırma, iki və daha çox uşağın bir qrup şəxs tərəfindən əvvəlcədən əldə edilmiş razılıq əsasında dəyişdirilməsi, sənədlərin saxtalaşdırılması və məhv edilməsi maddələri ilə irəli sürülən ittihamlar üzrə sübutlar toplanılıb.
“Yerevan Uşaq Evi" dövlət təşkilatının direktoruna və onun müavininə də eyni maddələrlə ittiham irəli sürülüb. Müstəntiqlər onlara qarşı həbs qətimkan tədbiri seçilməsi üçün məhkəməyə müraciət ediblər.
