Yerevan məhkəməsi Ermənistanın keçmiş prezidenti Robert Köçəryanın işinə baxılmasını dekabrın 3-nə təxirə salıb.
Virtualaz.org bildirir ki, bu barədə “RİA Novosti” məlumat yayıb. Hakim Anna Danibekyan iclasda məhkəmənin təxirə salınmasının səbəbini açıqlayıb.
"İş gününün başa çatması ilə əlaqədar olaraq və həmçinin prosesdə iştirak edənlərin olmamasını nəzərə alaraq məhkəmə iclası təxirə salınıb və dekabrın 3-də saat 13.00-da davam etdiriləcək", - deyə Danibekyan iclasda bildirib.
Hakim bu gün Köçəryanın vəkillərinin prokuror Karen Bişaryana etiraz istəklərini rədd edib. Müdafiə tərəfi iddiasını prokurorun sabiq prezidentə qarşı "qərəzli münasibəti" ilə izah edib.
26 iyul 2018-ci ildə Xüsusi İstintaq Xidməti Köçəryanı 2008-ci il 1 mart etiraz nümayişlərinin dağıdılması ilə əlaqədar cinayət işi çərçivəsində konstitusiya quruluşunu devirməkdə ittiham edib. Köçəryan ittihamların uydurma siyasi təqib olduğunu düşünür. Məhkəmə işinə keçmiş müdafiə nazirinin müavini və keçmiş KTMT baş katibi Yuri Xaçaturov və keçmiş Prezident Administrasiyasının rəhbəri Armen Gevorgyan da daxildir.
