81 vilayətdə müasir sığınacaqlar inşa etmək üçün hərəkətə keçib. Bu çərçivədə vətəndaşların müharibə, təbii fəlakət və nüvə sızması kimi hallarda sığınmaları üçün müasir sığınacaq işlərinə başlanılıb.
Sherg.az xəbər verir ki, Türkiyədə hökumət bölgədəki müharibə və gərginliklər səbəbilə müxtəlif ssenariləri gündəmə gətirib. Məqsəd, mümkün müharibə və fəlakət hallarında mülki şəxslərin qoruna biləcəyi ərazilər yaratmaqdır.
Yaxın Şərqdə son baş verən müharibə və gərginliklər zamanı Türkiyənin sığınacaq infrastrukturu müzakirəyə çıxarılıb.
Məlumata görə, Çevrə, Şəhərsalma və İqlim Dəyişikliyi Nazirliyi Türkiyə üzrə genişmiqyaslı işlərə başlayıb.
Prezident Rəcəb Tayyib Ərdoğanın rəhbərlik etdiyi Kabinə toplantılarında da gündəmə gətirilən məsələdə Türkiyədə sığınacaq infrastrukturunun yetərsiz olduğu və mövcud sığınacaqların tələblərə cavab vermədiyi vurğulanıb.
İsrail, Yaponiya və İsveçrə nümunə göstərildi
Dünya təcrübələrinin də araşdırıldığı layihədə İsrail, Yaponiya və İsveçrə nümunələrinə diqqət çəkilib. Kabinə toplantısında TOKİ-nin 81 vilayətdə sığınacaq tikməsinə qərar verilib.
NTV-nin əldə etdiyi məlumata görə, Ankara başda olmaqla bəzi şəhərlərdə tikinti işlərinə başlanılıb.
Sığınacaqlar fəlakət və böhran vəziyyətlərində tez çatılacaq dayanıqlı tikililər olacaq. Bununla Türkiyənin hər bölgəsində vətəndaşların təhlükəsizliyi artırılacaq.
Türkiyədə sığınacaq ehtiyacına dair tənzimləmələr yeni deyil.
1987-ci ildə qüvvəyə minmiş Sığınacaq Qanununa görə, müəyyən ölçüdə olan binalarda sığınacaq tikilməsi məcburidir. Lakin tətbiqdə bu məcburiyyət böyük ölçüdə laqeyd edilib.
Bir çox çoxmənzilli binalarda sığınacaq üçün ayrılan yerlər ya avtodayanacaq, ya da anbar kimi istifadə olunur.
