Mövqeyimiz bəllidir. Biz bu məsələni hər iki dövlətin maraqlarını nəzərə alaraq diplomatiya və danışıqlar yolu ilə həll etməyə hazırıq.
Axar.az xəbər verir ki, bu sözləri Qırğızıstanın Prezidenti Sooronbay Jeenbekov deyib.
Qırğızıstan rəhbəri ölkəsinin sərhədyanı bölgələrdə Tacikistanla ərazi dəyişdirməyə hazır olduğunu bildirib.
Həmçinin, Jeenbekov Tacikistanla sərhədlərin delimitasiyası məsələsi üzrə danışıqların ləng getdiyini və Qırğızıstanın bu prosesi tezləşdirmək istədiyini vurğulayıb.
Qeyd edək ki, Tacikistanla Qırğızıstanın sərhədinin uzunluğu 976 km təşkil edir və bu sərhədin yalnız 504 km-i delimitasiya olunub.
