Rusiya Baş naziri Dmitri Medvedyev barələrində xüsusi iqtisadi məhdudiyyətlər tətbiq edilən Ukrayna vətəndaşlarının siyahısını genişləndirib.
Axar.az xəbər verir ki, sənədə əsasən, siyahıya daha 9 nəfərin adı daxil edilib, iki ukraynalının adı isə siyahıdan çıxarılıb. Beləliklə, siyahıda olanların sayı 570 nəfərə çatıb.
Eyni zamanda, Nazirlər Kabineti Ukraynadan Rusiyaya idxalı qadağan olunan malların siyahısını da genişləndirib. Beləliklə, qarğıdalı nişastası, qlükoza və fruktoza, bir sıra tibbi ləvazimatlar, radiatorlar və mərkəzi qızdırma qazanları və s. sanksiyalar siyahısına salınıb.
